Hoxe, 22 de abril, celébrase en todo o mundo o Día da Terra.
Rinlo Bai convoca para mañá sábado día 23 ás 11.00 da mañá ós veciños e a quen queira achegarse ó Areal de Rinlo a botar unha man solidaria na súa limpeza.
ADEGA presenta a campaña de defensa do territorio “Ponte no medio, móvete polo territorio” no Auditorio de Galicia en Santiago.
A cantante de soul e hip hop viguesa Wöyza, acompañada á guitarra por Isaac Garabatos, pechou o acto de presentación:
Publicado en Accións | Deixar un comentario »
Lémbrao e lémbrallo ós teus amigos. Hoxe, 26 de marzo, a partir das oito e media, darémoslle unha hora de folgos ó Planeta. Apaga as luces e os aparellos eléctricos que non precises! Aforrar enerxía é loitar contra o quecemento global.
Publicado en Accións, Actuacións, Ecoloxía | Deixar un comentario »
Comeza ben o ano e comprométete en Galicia co Medio Ambiente.
Publicado en Accións, Ecoloxía | Deixar un comentario »
O domingo 31 de outubro pasaremos o día á beira do río colaborando co Proxecto Ríos de ADEGA na inspección biolóxica de outono, para coñecer o seu estado de saúde. O sábado 30 teremos unha reunión preparatoria para explicar e organizar o traballo de campo. Se queres participar envíanos un correo a rinlobai@gmail.com
O treito que imos recorrer vai dende o Carballo UTM 29 X 652924 Y 4824045 ata a desembocadura do Río no Areal de Rinlo
Publicado en Accións | Deixar un comentario »
Publicado en Accións, Ecoloxía | Etiquetado voluntariado | Deixar un comentario »
A “I FESTA DE EXALTACIÓN DO CEMENTO” é o nome paródico e retranqueiro do evento popular que o foro “Máis Talento e Menos Cemento organiza en Reinante para por en evidencia a salvaxe transformación urbanística da paisaxe mariñá”
Publicado en Accións, Cultura | Deixar un comentario »
Publicado en ARI | Etiquetado ARI, Rehabilitación | Deixar un comentario »
Escribe Eduardo Mendoza en La Ciudad de los Prodigios:
“Las sucesivas expansiones de la ciudad se hicieron sin orden ni criterio, de cualquier modo, con el único propósito de meter en algún sitio a los que ya no cabían en los sectores construidos hasta entonces y sacar el máximo beneficio de la operación. Los barrios acabaron de segregar para siempre las clases sociales y las generaciones entre sí y el deterioro de lo antiguo se convirtió en el único indicio cualitativo del progreso.“
…o caos construtivo, a segregación, a perda da nosa identidade. Estes son os temas prioritarios sobre os que hai que deterse e reflexionar.
Máis talento e menos cemento nace en FACEBOOK coa intención de unir as voces de todas as persoas comprometidas co territorio. Un foro creado para impulsar e por en práctica os valores da nosa democracia promovendo a unión de tódolos cidadáns libres preocupados polas súas vilas, cidades e aldeas e, polo tanto, decididos a esixir un cambio de rumbo nas actuacións dos administradores públicos. Cidadáns dispostos a traballar para impedir a arbitrariedade, o abandono e a improvisación; e coa capacidade, o compromiso e a ilusión necesarias para imaxinar unha Mariña diferente. Unha Mariña dinámica e moderna, con posibilidades de xerar riqueza e oportunidades para todos a través dun modelo económico sostible baseado no respecto ó patrimonio herdado, á natureza e ós valores da comunidade tradicional.
Publicado en Accións | Etiquetado a mariña, costa, Ecoloxía, iniciativa cidadana, Patrimonio | Deixar un comentario »
Calendario
Xaneiro 2012 L M Me X V S D « Abr 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 Arquivos
Categorías
Páxinas
-
Rinlo
More Photos Quen Somos
Somos unha asociación cultural que se creou para estudar, promover e coidar o patrimonio de Rinlo, por que entón este nome de Rinlo Bai?
As dúas formas “fonéticas” son galegas e comparten a orixe latina. Rinlo, non precisa explicación porque é obvio que tenta delimitar o lugar co que nos identificamos. O nome vén de *RIELLU “regatiño, riíño, diminutivo de RIVUS”. Vai (pronunciado “bai”) procede de VADIT, a terceira persoa do verbo *VADERE, próximo semanticamente a IRE “ir”. "Rinlo Bai" quere expresar a vontade de ír cara ó futuro sen perder as referencias do pasado. Pero por que vai con B?
Bai, con B, representa en tres linguas distintas a filosofía da Asociación.
A Asociación naceu coa idea de que se non imos ó fondo dos problemas que ameazan a paisaxe e o patrimonio vernáculo é probable que non lles atopemos solución. Esta actitude de ir ó fondo, á raíz das cousas, é sen dúbida unha alternativa “radical”, no sentido etimolóxico derivado de “raíz”. Na historia do galego, a escrita máis radical ata o movemento reintegracionista foi a escrita fonética, a escrita que pretendía simplificar a ortografía do galego escribíndoo como se falaba para así conseguir a alfabetización universal de todos os galegos en galego cando o analfabetismo era unha das grandes lacras do noso país. “Rinlo vai” en escrita fonética é “Rinlo bai”.
Mais é certo que hai outras razóns na escolla. O nome lévanos mentalmente a Nafarroa Bai, literalmente “Navarra, si!”, que vén ser a representación abertzale que rexeita a violencia pero subscribe os ideais identitarios da Euskal Herria. As xentes de Rinlo manteñen viva a memoria das súas orixes vascas e do seu pasado baleeiro, e o nome da asociación ecoa estes lazos. A partícula adverbial “bai” en vasco é a equivalente á nosa “si”. É unha palabra positiva e de afirmación, e esa é a ideoloxía que a Asociación Rinlo Bai quere transmitir con relación ó patrimonio natural e cultural de Rinlo.
Temos a “escrita fonética” galega e as orixes míticas do lugar a través do “euskara”, e quédanos a terceira lingua, a lingua dos arquitectos vernáculos galegos, o “verbo”. O “verbo” ou lingua dos “arxinas”, tamén coñecida como “latín dos canteiros”, foi unha xerga profesional secreta, unha lingua inintelixible para o profano, coa que o mestre canteiro transmitía o seu saber ós aprendices do oficio. Dela sabemos que se perde na memoria dos tempos, que posiblemente legou a palabra “ghicho” (“rapaz, tipo”) ó galego común, e que estaba en pleno uso a comezos do século XX. Hoxe só podemos vela nos glosarios que daquela se compilaron. Nestes vocabularios aparece a palabra “bai”, xunto con outras moitas voces que manteñen raíces éuscaras. O significado que neles se lle dá é o de “vale”, similar ó da partícula afirmativa do vasco. “Rinlo vale”. Para nós Rinlo é un todo “valioso” que non ten prezo, un exemplo único da arte dos canteiros que labraron en pedra a paisaxe histórica de Galicia.-
This obra by http://rinlobai.wordpress.com/ is licensed under a Creative Commons Recoñecemento-NonComercial-SenObraDerivada 3.0 Unported License.
